دنيا ....

زيدان الأحد سبتمبر 27, 2009 4:42 pm

السلام عليكم ...هذه اول مشاركة لي في هذا المنتدى اتمنى ان تنال رضاكم

سلام مني على الناس الكرام
تحية الاسلام فردو السلام

اسمع واصنت ليا يا انسان
اقرى واتمعن في حسن البيان

دنيا خداعة مافيها امان
الحياة والموت من قديم الزمان

فيها البشر من كل الوان
فيها المليح واللي يتمثل بالشيطان

فيها الفقراء والناس الاعيان
فيها الاسياد واللي هوما رعيان

فيها القصور وعالي البنيان
فيها البيوت في قاع الويدان

فيها من كل حاجة نوعان
الانسان فيها واش يدير حيران

الخير والشر لنفس العملة وجهان
كل واحد في فعالو اصبح فنان

اسمع واصنت ليا يا غفلان
دنيا ما تسوى مالباعوض جنحان

ما تجيب ثقلها في الميزان
اخطيك وما تكون بيها ولهان

اسمع واصنت يا تيهان
اعبد ربي قبل ما تكون ندمان

توب ليه تعرف طريق الايمان
تمشي على الصيراط لفسيح الجنان

اسمع واصنت ليا يا انسان
اقرى واتمعن في حسن البيان